Kautaal loya’en ngaal leddi watau Nigerian Bar Association, NBA yonitiraama duuw widita laabi shariya ha giifa labbaaje nden fahin larta lawool ngool be tokkata be wauta billaji soinde adilaaku ha yebre shariya ema walluugo famda sembe’en heba no adilaaku doggine ha fiiji kita leddindi ngam tabitina rento.
Nde o wadanno jawaabu makko ha hauritirde asweere nde loya’en leddindi duum doggina ha jiha Sokoto je kautaal loya’en ngaal NBA, taskiti Ministaajo fiiji shariya leddindi, Lateef Olatunji Fagbemi, wii loya’en do marri wamarde nde handi be mbama ngam waddina leddindi de’ende ema tabitinki adilaaku ha fiiji shariya leddindin.
Ngomnaajo jiha Sokoto Ahmed Aliyu ha nder jawaabu makko o manni irin tinaare nde loya’en ngadata musamman hedi habduugo be kitaaji ema wurtinki himbe nder nyimre musaamman be ngoola andaal duuw fiiji shariya.
A BELLO
