Fada Ardiido leddi Najeeriya yeddi be bolle de ballo Ardiido leddi boimaajo, Atiku Abubakar wolwi duuw ngomnati do marri yebaare be yonki bibbe adama’en kanju wadi soja’en rufinta ummatoore hiite kondeye be mbi’a duum bofool, ngomnati holli bolle den wola ha de pedi.
Sauroowo Ardiido leddi hedi fiiji matotiraal, Sunday Dare, bili rahotowool fada Ardiido leddi ha labi matotiroo makko ha o yeddi be bolle Atku owii bolle den duum bolle kajal siyasa on tan je wola ha fedi, ngammai ta himbe jaba halakan wigitaka bana nanai ka ma sam.
Mr Dare beddi wiigo soja’en pirooje ngadi bofool mai on ha wakkati nde be donno dabbita njongorde saggarle’en nden ma luumo go be sakkini bomb ha maggo do nebi ngomnati harminigo nyamuugo, watau ha giifa Jilli hakkunde jiha Borno be jiha Yobe.
A BELLO
