Ngomnaajo jiha Gombe, Muhammadu Yahaya, yerdi be eggingo seketere’en maube be ngomnati jiha kan daga ha be ngooni faago gondi hukuumaaji ngomnati jiha kan fere fere ngam yiigo be wailanama nukkuuje kuude.
Horeejo huwoobe jiha kan, Professor Muazu Shehu, on andini non non man nde o hallidanno be tefoobe kubaruuji ha office ru makko wondu Gombe nyande salasa salunde, o famtini duuw wobbe fere nder seketere’en man be neebi ha be ngooni ngammai do marri himmidinaare be wailine nukkuuje heba tabitina bodeenga kuude ngomnati.
Horeejo huwoobe ben beddi wiigo wailanki seketere’en man babe kuude do nder anniyaaji ko ngomnati wadi ha yesso daga hitande rowaani be keban be doggini duum don se jonta,
A BELLO
