Hukuuma ardungal kautal risku lesde Africa hirnankere ngal ECOWAS itti hombol kudotiral ngal be hombino leddi Niger bawo nde leddindin sankiti lamu democradiyya hotino lamu joja nder hitande salunde.
Nde o andinanno habaruuwol ittol hombol ngol ECOWAS hombino leddi Niger horeejo hukuuma kautal mai , Omar Touray, wii hombol kudotiral ngal kautal mabbe hombino leddi Niger do be itti ngol, daga jonta be fa’an yesso be hudogo be leddindin.
Touray beddi wiigo jabrude den ittol hombol mai warri on bawo nde ardibe kautal mai wadino gidal sirri ha seketeriya ECOWAS gonduum Abuja fada lamorde leddi Najeeriya kaul mai tabitini duuw daga jonta be mabbitan kerri hakkunde Niger be luttude lesde hautande be mabbutuggo babe jippol pirooje fu jonde worre.
A BELLO
