Horeejo sare majalissa ndotti’en leddi Najeeriya, Godswill Akpabio manni soja’en ndiyam leddindi be tinaare nde be ngadi ha honaago wujjobe nyebbam keccham ha duuw majje leddindi, ema tabitinki be faddi risku leddi bana no mara haaje.
Akpabio hokki mannore nden on ha lamar liyaafa samdineeki ka hukuuma soja’en ndiyam leddindi taskitini soja’en mabbe wallinibe kude rento nyande jumbare do ha Abuja.
Akpabio beddi mannugo rentobe soja’en ben be no be honirta wujjobe nyebbam keccham ha duuw majje leddindi hautande be nangugo hallube sankitoobe risku leddindi ha mere ngam yidugo kungel duniyaru.
Horeejo majalissa kan lori fodi hakkilo soja’en ben duuw be bedda tinare honugo nguikaaji duuw kerri leddi ema nguikaaji duuw majje leddindi ngam heba wallita ha hebango leddindi kare nanol belduum ummatore be bantugo daraja risku leddi eko nandi enon.
A BELLO
