Fada Ardiido leddi wii ngilla ka Ardiido leddi Bola Ahmed Tinubu yilli leddi Qatar do, gillakan beddan haurugo koe lesde den nden fahin waddan narral boshungal hautande be sembidinki filuuji hakkunde lesde den didi musamman ko beddata bantugo daraja risku majje.
Saurowo Ardiido leddi hedi fiiji shakkol habaruuji ema dabareeji laamu, Mr Bayo Onanuga on andini bannin mai ha habaruuwol ngol o wurtini nden o wanni jude nyande asawe do ha sare ngomnati nde o halli danno be tefoobe habaruuji.
Onanuga beddi wiigo Najeeriya do marri kudotiral lamngal hakkunde mum be leddi Qatar, ngammai ngilla ka Ardiido leddi Tinubu yilli leddindi do marri himmdinaare masin ha lorugo bedda waddugo narral ema dogginki filuuji di waddinta lesde den didi fu jahol yesso.
O wii ha gillakanni Tinubu yidi be lamdo gifa Qatar, mai mo Alla bangi daraja mum , Sheik Tamim Bin Hamad Al-Thani ha sufakaare makko wonde Doha.
A BELLO
