Ngomnati leddi Birtaniya UK wadi jude ngerdotiral kude fiilu hakkunde mabbe be leddi Najeeriya ngam heba wallita ha sembidinki yaake lumo hakkunde lesde den didi hautande be beddugo narral filuuji jamanu ngam fesina labi hebugo cheede nastooje.
Seketereejo maudo mo yebre rufol jarful leddi Birtaniya , Kemi Badenoch be min istaajo fiiji filu e rufol jarful leddi Najeeriya Doris Nkiruka Uzoka-Anite on hauri ha Abuja wadi jude duuw ngerdotiral kude fiilu hakkunde lesde den didi.
Ngam laruugo duum sembidini filuuji hakkunde lesde den kanju wadi wakili’en dido hauri yeutidi ha be narri duuw be rufan jarful ko dillanta cheede Birtaniya Pauns Billion £7 je be fuddirta be main der hitande en woni nder mum do.
Ha habaruuwol wurtingol daga ha office ru timado leddi Birtaniya ha Najeeriya do holla duuw ngedotiral fiilu ngun wallitan masin ha ustango leddi Najeeriya billaji soinde risku ema sadirmaaji kalludi di bibbe leddindin wontindiri be mai jonta do.
A BELLO
