Ministaajo shaanu maatootitaral ‘e waytinki ko’e ummaatoore, Mohammed Idris, suuditi anniyaaji 5 ko O wadanta hukuumawa maako nyennde Alarba haa yeeso kubaru’en.
Taskaramji din fu husitani boddi ko yaadi bee taskaramji hesdi tinki Lesdi Naajeeriya di Ardiido Bola Ahmed Tinubu taskani Lesdi Naajeeriya.
Nder taskaramji din 5 woodi sembidinki shaanu kubaruuji, annde kiimiyaaku,aadi ndonndonu’e dabareeji kanndu di waddata jahargal yeeso Lesdi Naajeeriya.
Ministaajo On wi jabrude kanndude hoosaama musamman ko laarani anndinki kubaruuji laabdi caahiidi nafooki ngomnati enanta ummaatoore Lesdi Naajeeriya.
Ko nden on ministaajo on jabbi tana maako ministaajo mo hakkilanta shaanu ndemri, Senator Abubakar Kyari, gardo nokkuure nden hedutuki anniyaaji maako.
Kyari kanyumma suuditi kuude hukuumawa maako taskani ko yaadata bee gidaadi Ardiido Lesdi Naajeeriya ngam sembidinki kilantaaji riskuuji.
SADIQ ALFA
