A BELLO
Ngomnati mobgal leddi Najeeriya efti alkawal wurtungo rahotowol ha duuw marbe jude umminki bomji pettudi ha Ibadan halki ummatore do to ni be timmini widitiggo sanadu fettol bomji din nabe wonnugo wakkati.
Ha fahinni ngomnati man lori hoi alkawal tabitinki adilaaku wannama kala mo torra ha sababu fettol bomji din fu, nden be tabitinan be hokki kala wallinde fago be bomji din memi ha be be jaule mabbe soyi dalila sanadu bomji din.
Ministaajo fiiji barkaaji leddi Najeeriya, Dele Alake on hokki tabituye nden nyande altine do nde o yarino ngilla fago nukkuje de bomji din memi ha Ibadan fada lamorde jiha Oyo nden fahin o yotti sare ngomnati jihakan ha o sinkanni ngomnajo mabbe, Seyi Makinde be hadaru masibo bomji di fetti ha nder jihakan nder asawere salunde.
Alake nde yottino fada lamorde jiha Oyo ngomnaajo jihakan Makinde, on jabbomo be luttube wakili’en majalissa dogginirngal kude ngomnati jihakan hauri wadi gidal sirri be ministajo on ngam heba wadda ragare fitinaji di torrata jihakan fu.
A BELLO
