Ardiido leddi Najeeriya Bola Ahmed Tinubu umri hukuuma fiiji andal leddindi duuw jutina taskaram hokkugo fukarabe cheede nyamalle wadugo sana’aji jude fago kala pukaraajo mo marri haaje dabbutuggo sana’a jude fun gam tabitinki fukarabe ben kebi jahol yesso ha jande mabbe.
Tinubu hokki umrore nden on nyande altine do nde o wadino gidal be Ardiiao hukuuma asusu wallitoru fukarabe no jangira ha leddindi Mr. Akintunde Sawyerr, NELFUND, nde yillino ardiido on ha sare ngomnati wonde Abuja ngam tabitinki duum walliti fukarabe leddindi no jangira.
Nde o wolwanno duuw hala tabitinki adilaaku ha sendugo cheede nyamalle den bo Tinubu wii taskaram mai yottan ha kala jihafu nder jihaji leddindi nden fahin kala fukarajo mo dabbiti wallinde nyamande nden fu bo hukuuama kan habda hokka duum nabe wonnugo wakkati.
O wii taskama mai tiggama on ngam walla fukarabe be ngola sembe nden bo do marri haaje yahugo janga ngamheba wallitabe no be jutina kude jande mabbe be koidum.
A BELLO
