Ardiido leddi Najeeriya, Bola Ahmed Tinubu wii ngomnati makko mbaratakko jokke mum ha tinare honago mosle be luttude kude bonnude nder leddindi.
O bedddi wiigo kugal kala ngomnati fu kanju woni hakkilinki yonki bibbe adama’en ema jaule mabbe ha fahin o eddan tinaaje ngam yigo leddindin wurti ha kala billaji je torratandi fu nabe wonnugo wakkati. Heba komoye nana beldum be judugo mum ha nder leddi Najeeriya.
Tinubu andini banning mai on ha wakkati nde o jabbino Ardiido kautal massinke’en ngal CAN be wakkili’en kautal mai less ardungal Archbishop Daniel Okoh, nde be ngaddanino ardiiao on ngilla teddinki ha sare ngomnati wonde Abuja nyande altine salunde .
Tinubu yahe yesso be wiigo wamarde nde handi ardiibe wama kanju on ngomnati makko do wada jonta ngam heba wauta billaji ko ummatore yidata be mum musamman darugo darnde tabitina jonde jam e jaholyesso leddindin.
O yonitiri ardibe kautal massinke’en mai duuw be hokka ngomnati makko bawal bawo e kautal hore ngam heba baili hebe nder wakkati sedda.
A BELLO
