Sangere soja’en dugginoobe kude rento musammanje ha gifa jiha Rivers hebi nasaraku sankutuggo babe sakugo nyebbam keccham je duganaka hautande be wirgugo balli nyebbam ngujjadam ha nder gure Umuedeokwara be , Odogwa nder taire hukuuma pamara Etche ha jiha Rivers.
Ha habaruuwol ngol bolinowa hukuuma soja’en gifakan Lieutenant Colonel Danjuma Jonah wurtini nden famtini tefobe habaruuji o wii soja’en ben duggini widitol gongol on bawo nde be hebi habaru nukkure ha metta bale’en mai wowi nyukkugo to be wujji nyebbam ha gifaji din, kanju wadi be hauri be wurti paturol ha be hebi be nagibe.
Ha nder kare nagade ha mabbe hauribe palli jarkanji hebbinaddi be nyebbam shakadam ko dillanta lita 200,000,hautande be nyebbam keccham ko wadata palli 3,000,000, to be sakkidam dam yottan lita ujune temerre tati.
Sangere soja’en nde yebre 6 ha jiha Rivers on hebi nasaraaku honugo kude wujjobe nyebbam keccham be sakkobe nyebbam mai fu ha wakkati kude rento musammanje je sagere nden duggini nder balde de.
A BELLO
