Ngomnati mobgal leddi Najeeriya yoban cheede ko dillanta naira Trillion 1.6 ngam hoikitina naftiroobe be jairi hite lamtarki ha leddindi.
Cheede Trillion wore be tobbe jego mai yobete on duuw cheede ustango Najeeriya nawenga cheede hitengen fago hukuuma wadowa parasi cheede hite lamtarki je hitande nde bawo nde hukuuma kan andini beddugo cheede hite majum.
Ardiido hukuma wadowa cheede hite lamtarki mo leddi NERC, Sanusi Garba, on andini banning mai nde o hallidanno be tefobe habaruuji ha Abuja nder moftorde tefobe habaruuji je hukuuma kan taskiti nyande alarbe do, o holli duuw kala leuru fu ngomnati do yoba cheede hite ko dillanta naira Billion 20.
Garba, beddi wiigo nanema hukkumakan beddanno cheede hitengen ha yotta gebe 65 nder temerre amma ngomnati efti teddenga mai fu wii yoban beddari mai fu kanju wadi jonta be andini ngomnati mai beddari cheede je be yobata hukuuma kan kala leuru fu.
A BELLO
