Sare Radio kongol Najeeriya (VON) wii do marri anniyaaji boddi je haurugo jude be bibbe leddi Najeeriya judibe ha lesde yaasi ngam yigo duum hebi lawol gotol je wallititta be ha be wonifu hautande be wallinde hukuuma hakkilinowa judibe yassi je leddindi.
Directaajo maudo mo Sare Radio kongol Najeeriya VON, Malam Jibrin Baba Ndace wii banning mai on ha wakkati nde o ardinno wakili’en ema Ardiibe hukuuma sare Radio kongol Najeeriya be yarri ngilla ha fada lamorde hukuuma hakkilinowa Najeerya;en judibe lesde yaasi.
Nde o jabbanno agal wakili’en sare Radio kongol Najeeriya ha office ru makko Horeejo hukkuma hakkilinowa judibe lesde yassi ha Najeeriya, Mrs Abike Dabiri-Erewa, yetti be be ngilla ka teddinki o efti alkawal haurugo jude be hukuuma sare Radio ngan ngam famtina ummatore ko hukkuma makko wontindiri
