Ardiido kampaniwa Dangote Group, Aliko Dangote, yetti Ardiido leddi Najeeriya Bola Ahmed Tinubu be bawal bawo ngal Ardiido on hokkata kampaniwangan ha tabitini nasaraaku jib oi duum kampaniwa ngan hebata jonta.
Dangote lori yetti kampaniwa sippowa nyebbam betrojam ngal NNPCL musamman natinobe nyebbam sakadam daga lesde yaasi hautande be hokkobe umrore kampaniiji judidi jonde koemaaji fu nasta ha kude yembol nyebbam kecham, duum kampaniwa makko hokka ma lasin sakugo nyebbam kecham.
Dangote wii nasaraaku ko kampaniwa makko hebi ha kude sakugo nyebbam fu duum nasaraaku kala goddo Najeeriya fu, ngam hebugo kampani je sakata nyebbam na duum wallinde pamarnde ngammai duum risku on mangu warani leddindi.
O efti alkawal hokkugo dareke’en kude ko huwa ha kampaniwa ngan ngam bedda waddango leddindi jahol yesso be tinaare ustugo jonde mere hakkunde ummutobe.
A BELLO
