Hukuuma hakkilinowa ngurdam hijra’en ema duggibe konu ha leddi Najeeriya wii wargo jonta be timmini boftugo hijra’en bibbe leddi Najeeriya wonbe ha lesde Cameroon, Chadi, be Niger be latakeno duggino harnyande bononda Boko haram’en diga jiha Borno, ko wadi dudbe judibe ha gifaaji jihakan duggino hoti lesde keddude.
Comminssionaajo fiiji hukuuma hakkilinowa hijra’en nga leddi, Aliyu Tijjani Ahmed, on andinim banning mai hya wakkati nde o yillino lartugo chi’e duum hukuuma kan nyibani hijra’en wartibe daga duggudu konuuji ha gifaji Marua nder hukuuma pamara Mafa ha jiha Borno.
O beddi wiigo hukuuma kan arti timmini nyibugo chi’e boi ko nanadi bana de mai ha gifaaji duddi ngam yigo be fesini hijirbe ben babe wallugo to be hoti gure mabbe assaliije.
O lori o yolli hodorde hijra’en wonde Muna nder hukuuma pamara Jere ha o sendanni hijra’en wonbe ton kare weltinooje bana kare nyamdu ema be’itteji hautande be lekkije je be hurgorto koe mabbe be mai.
A BELLO
