Ardiido leddi Najeeriya , Bola Ahmed Tinubu, dabbitiri haurugo jude be ngomnati leddi Faransa hedi hebango Najeeriya kare kutinirtede konu be labi fasaha jamanu ngam heba wallitandi ha kude honugo kude kallude bana saggarleeku ema honaago soinde rento ha nder leddindi.
Ha wakkati nde Ardiido leddi Bla Ahmed Tinubu jabbindi ranno be timado leddi Faransa ha Najeeriya Blatmann nde yillino mo ha o jabbitamo bawo nde o timmin kude timaaku makko ha leddindi nder gidal ngal o wadi be Ardiido on ha sare ngomnati wonde Abuja nyande asawe.
Tinubu dabbitiri timado on duuw yottina tornde makko faago Ardiibe leddi Faransa o yechhabe duuw Najeeriya do marri hajje balmi shadudi be motaaji konu hautande be eltego hedi kude rento je jamanu heba no leddindin honira kude kallude musamman soinde rento be wujjugo himbe.
Ardiido leddi yetti timado on be tinaare kude bode de o huwani leddindi nder dubi nayi ko o wadde kude timaaku.
A BELLO
