Ministaajo fiiji hokkugo mballa njauka ema faddugo masibooji mo leddi Najeeriya boimaajo Sadiya Umar-Farouq, yahi office ru hukuuma honnowa mosle nga leddi EFCC ngam o nota surgago duum hukuumakan surgimo ngam o wara o nota nyamde godde hedi ko larani mosle cheede ko be tumatamo be mai.
Surgago mai wari on bawo nde hukuuma honowa mosle nga leddi EFCC hebi patakeeji bojji daga ha nukkuje fere fere hedi kolarani tumande mosle ko be tumata ministaajo boimajo on daga ko o jippi kude dag ha hukuuma kan.
Ha habruuwol ngol shakowo habaruuji ha office ru ministaajo boimajo on Nneka Anibeze, wurtini do holla duuw Sadiya Faruq do taskiti notugo kala nyamde de be nyamatamo fu hedi kolarani tumande mosle ko duniyaaru tumatamo be mai, kanju on ma wadi o yahi o noti surgande ko EFCC surgomo be lau.
Sadiyya faruq daga ko o jippi patakeeji tumande mosle dudde hukuuma honowa mosle nga leddi EFCC hedi duuw o salidi be cheede kulnide ko dillanta Billionji ngammai on wadi EFCC mai yonimo o wara ngam o nota nyamde ko be yidi nyamugo mo.
A BELLO
