Ardiido leddi Najeeriya Bola Ahmed Tinubu darni ministaajo fiiji hokkowa mballa ema ustol talakaaku nder leddi, Dr Betta Edu, daga office ru mum na be wonnugo wakkati.
Ardiido leddi hokki umrore darnugo ministaajo on on nyande altine bawo nde fada Ardiido leddi hebi habaru tumande mosle cheede billion ji duum ministaajo on tumete be mai.
Ha habaruuwol ngol shakowo habaruuji ha office ru Ardiido leddi, Ajuri Ngelale. Wurtini nden wanni ngol jude sendanni tefobe habaruuji, famtini duuw ministaajo on darnama daga kude se wakkati nde be timmini linchituggo tumande mosle de be tumatamo be majum.
Ardiido leddi ha fahin umri ministaajo darnado on duuw o yauna hokkutuggo labangal hukuuma kan faago seketereejo maudo mo hukuuma kan nden kala kare hukuumakan marri ha jude makko fu bo o hokkita fago seketereejo main a be wonnugo wakkati.
Tinubu daga bawo lori umri Ardiido hukuuma honowa mosle nga leddi EFCC duuw sattina lincitol mangol ha duuw kude minuistaajo on ngam yigo be widiti be wurtini gonga ha kala tumande de duniyaaru tumatamo mai fu.
A BELLO
