Hukuuma hakkilinowa kude hijju nga leddi Najeeriya NAHCON be hukuuma leddi saudiyya hauri wadi jude narral duuw kude hijju waratado ngam yigo Najeeriya ‘en yahobe kude hijju hebi hijjore feunde ema nanol boldum hijju mabbe je hitande nde.
Lamar wadol jude duuw kude hijju mai dugginaama on ha gifa Jedda je hebi yalirki maube hedi kude hijju ema ministaajo fiiji yaasi leddi Najeeriya Ambassador Yusuf Maitama Tuggar, Ardiidom hukuuma hakkilinowa kude hijju leddi Najeeriya NAHCON mo heddeko, Malam Jalal Arabi, maudo nyaudobe leddi saudiyya ha Jedda, Ambassador Bello Hussaini Kazaure, maube ardibe kude hijju daga leddi Najeeriya NAHCON, be ministaajo kude hijju leddi saudiyya, Dr. Taufiq Al-Rabiah.
Ha habaruuwol ngol bolinowo hukuuma hakkilinowa kude hijju leddi Najeeriya Hajiya Fatima Usara. Wanni jude famtini duuw gedotiral kude hijju dugginama hakkunde lesde den didi ngam yigo duum duggini kude hijju waratado nder nasaraaku ema narral boshungal.
Kala hitande fu leddi Najeeriya do wada jude gerdotiral kude hijju be leddi saudiyya ngam tabitinki kude hijju dugginama bana no mara haje.
A BELLO
