Ardiido Lesdi Naajeeriya Bola Ahmed Tinubu omti golle kuude kampaniwa Batirji ko tammi majjinki Ceede ko hewtani $250 millionji Dalaaje Ceede Lesdi America haa Jihawol Nasarawa.
Anndinaama toni haa kuude kampaniwa ngan timminaama be heban wurtinki ndiyam Baatirji din ko hewtinta ujinedde 18,000 metric tons nder nyaloomaare fu ko hewtinta 4.5 million metric tons nder Hitaande fu.
Wakkati ardiido on omtanno kuude kampaniwa ngan haa labbaare Endo lardiwol Udege nder Galluure Nasarawa, Tinubu wi“omtuki kampaniwa ngan do nder anniyaaji golle maako nder ardungal maako ngam besdaari feesinki kubbirle yiite Lamtarki nder Lesdi Naajeeriya.”
Mo luutani luutani ardiido on haa nokkuure nden ministaajo mo shaanu barkaaji Lesdi, Dele Alake, wi Tinubu mani tiinaaje kampaniw ngan be wannginki banaka’a nde ko yaadi bee taskaramji ngomnati Lesdi Naajeeriya
O tabitini ardiido Kampaniwa ngan nga Ganfeng Lithium Industry Limited, Pan Quen baawal baawo ngomnati Lesdi Naajeeriya.
O wi “mi wadani kampaniwa ngan barka nde be anndi haa nder Lesde Africa fu kadima bee wannginki anniya huuwanki Lesdi Naajeeriya nden bo nder ardungal maako .
“mi yidi tabitinki on dow wurtinki barkaaji Lesdi Naajeeriya yaasi saali jottakam min hokkanbe baawal baawo sanne ngam yiiki nafi ummaatoore Lesdi ndin.
Ardiido on wi ngomnati wadan ko haandi ngam yiiki be hebi boosinki kuude mabbe no bernde yidi wala gacce haa Lesdi Naajeeriya.
SADIQ ALFA
