Ngomnati Lesdi Naajeeriya taskani joonde giidal kawtal koppi ko laarani keeri haa (AU) dum tammi wadeeki haa galluure Addis Ababa, Lesdi Ethiopia.
Giidal ngal do nodde Niamey Convention ngal do heewi kuude boddi kewdum masin nder man woodi haala kabbidal kuude jahargal yeeso hakkunde Lesde Africa musamman haa keeri.
Kadima woodi taskaramji ko laarani tefre joonde jam musamman hakkunde keeri haa Bakkeeje Lesde Africa nden be wada fodde bawde mabbe be darna fitnaaji haa giifakan,
Hooreejo mo hakkilanta shaanu hukuumawa Keeri haa Lesdi Naajeeriya Adamu Adaji mo haalakn wurti haa mabbe wi “Lesdi Naajeeriya wadi womarde ngare ndaaren sanne haa taskaram (AUBP) ngam jahargal yeeso hebe hakkunde keeri Lesde Africa iga 29th May 2012 wakkati giidal ngal haa Galluure Niamey, nder Lesdi Niger.”
Adaji tefri wakiili’en kawte den be hokkay koodume yawna hokka nden taskana taskaramka ngam woodi bote sanne haa nder man.
Bawti Lesdi Naajeeriya nder hokkiibe nden taskani taskaramka woodi Lesdi, Benin Republic, Burkina Faso, Cote d’Ivoire enanta Lesdi Ghana.
Nder jawaabu ciimaajo Lesdi Naajeeriya haa Addis Ababa, Ambassador Aminu Nasiru mani tiinaaje Lesdi Naajeeriya bee taskaramji mabbe sanne dow haalakan.
SADIQ ALFA
