Lesdi Saudi Arabia wi besdan sattinki kabbidal narral mabbe bee Lesdi Naajeeriya dooko moobtorde giidal mabbe nder Lewru November 2023.
Ministaajo mo shaanu yaasiiku Lesdi Saudia, Adel Al-Jubeir bee wiiki ngam Lesdi ndin taskani wernuki Ardiido Lesdi Naajeeriya Bola Ahmed Tinubu.
Nulaabe Lesdi Saudiya kambe on suuditani ka kubaruujo faada laamorde Lesdi Naajeeriya bawti giidal mabbe bee ardiido on ko nden on O limtanimo duudka nder kobe metata haa giidal ngal ,woodi haala kuude jahargal yeeso, boosinki kabbidal narral,shaanu rento, enanta bayli yanayuuji sella sedda nder man.
Al-Jubeir besdika bee wiiki; “be nani beldum kabbidal narral hakkunde Lesde den 2 ngam be botiri sanne haa nokkuuje feere feere.
Ministaajo on wi waddani Tinubu ngilla ka teddinki ngam neebi Lesde den to hawti koppi narri nden to tuume bo be ngaadan koodume kadi ndeyefu .
Ministaajo mo shaanu yaasiku nder Lesdi Naajeeriya bo, Yusuf Tuggar, kanyumbo wi Lesdi Naajeeriya tefi kawtal koppi bee Lesdi Saudi Arabia hedi Laabi kewdi sedda nder man woni ko laarani shaanu kubbirle, kampaniiji hawtaade bee shaanu aadi ndonndonu fu.
SADIQ ALFA
