Ardiido Lesdi Naajeeriya, Bola Ahmed Tinubu yerdi bee hokkuki golloobe ngomnati kawtal Lesdi Naajeeriya besdaari Ceede nder Albasi mabbe ko hewtani N35,000 jee Lebbi 6 ngam be wallitira haa sadirmaaji bawti ittuki nballa nyebbam peturuljam.
Haalakan wurti on haa hummduko inistaajo mo hakkilanta shaanu maatootiral enanta waytinki ko’e ummaatoore nder Lesdi Naajeeriya, Mallam Mohammed Idris
Mininistaajo on wi niiman wadaama on bawti giidal hakkunde wakiili’en ngomnati bee ardiibe kawte NLC enanta TUC nyennde Alat.
Nder jawaabu Ardiido Bola Ahmed Tinubu sappino dow ceede den buray ujineede 25 amma bawti be larti be besdi Ceede den on haa hewti bana ni’I.
Kadima ardiido on limti duudka ko wadannte ummaatoore Lesdi Naajeeriya nder man woodi ‘ekitinki sana’aaji ,wadduki nb’annte mootaaji ngan hoytinki ummaatoore sadirmaaji ittuki nballa nyebbam peeturuljam hawtaade bee fudduki hokkol ceede ko hewtani N75,000 yaaki marbe ci’e ko hewtani 15 million bee N25,000 Lewru fu jee Lebbi 3 yaaki Lewru ,October-December 2023.
Nder tawaabe haa giidal ngal woni ngomnaajo Jihawol Kwara Abdulrazak Abdulrahman mo laati hooreejo ngomna’en (NGF) bee Dapo Abiodun mo Ogun, Femi Gbajabiamila.
Ministaajo shaanu Ceede, Wale Edun,ministaajo mo maatootiral, Mohammed Iris, mo golle, Simon Lalong, pamaro mo gplle, Nkeiruka Onyejeocha, mo hiiso bee kilantaaji riskuuji, Abubakar Atiku Bagudu, mo hakke innu Adama ‘e hurguki talakaaku, Betta Edu,mo Doris Uzoka-Anite, ardiido golle ngomnati, Dr. Folasade Yemi-Esan bee (NSA), Mallam Nuhu Ribadu.
Hawtaade bee ardiibe NLC, Joe Ajaero, Dr Tommy Etim Okon, ballo horeejo , TUC,bee seketeri’en mabbe ‘e Luttube.
SADIQ ALFA
