Ardiido Lesdi Naajeeriya Bola Ahmed Tinubu tawaama haa nokkuureseyo lamar nyaloomaare hewtuki Lesdi Naajeeriya Duubi 63rd kondi hebi ndimu hoore maari haa Abuja.
Doo on laati aranndeere ko Tinubu wadi seyo lamar ngal nden bo O borni toggoore mallabo Limse dum nannditiri Ililal Lesdi Naajeeriya O yaadi lamarkan.
Kadima ardiido on wadi juude mallabo O tongiti inde maako dow Dereeji bananta diidaadi sappi nden O ta’I ko anndira cake jee seyo lamarkan wadaadum musamman.
Lesdi Naajeeriya hebi ndimu hoore maari haa Juude Lesdi Britaania 1 Lewru October, 1960.
Nder tawaabe haa nokkuure nden woni ministaajo Faddo, Badaru Abubakar enanta pamarto maako, Dr Bello Muhammed Matawalle, hooreejo kiita, Kayode Ariwoola, hooreejo wakiili’en majaliisaaru ndotti’en Godswill Akpabio, hooreejo wakiili’en majaliisaabe, Tajudeen Abbas, seketeriijo ngomnati SGF, George Akume ballo ardiido Lesdi Naajeeriya, Kashim Shettima hawtaade ‘e wobbe luttube teddube fuu tawaama haa giifakan.
SADIQ ALFA
