Kore ardiido Lesd Naajeeriya, Senator Oluremi Tinubu wadani ummaatoore Lesdi Naajeeriya bayaanu kewdum ko laarani hesditinki tammunde ummaatoore Lesdi Naajeeriya haa haykaleeru ndu Abuja laamorde Lesdi Naajeeriya wakkati seyo lamarkan 63rd nde Lesdi Naajeeriya hebi ndimu.
O wi “Lesdi naajeeriya woodi barkaaji sanne see ‘en hawta koppi ‘en tama tamre woore ngam ‘en hebe bote Lesdi meeden mari ”.
Kadima O nodditiri ummaatoore Lesdi ndin bee wiiki “wala gannudi ko fitnaaji ‘e sadirmaaji ko saalata amma seeto hawti bee munyal enanta tokkuki ko ALLAH wi”
Nder jawaabu , Rev Israel Akanj, tawaado haaton kanyumma meti duudka nder man O mani tiinaaje Ardiido Lesdi Naajeeriya Bola Tinubu musamman ko’O meti nder Jawaabu maako wakkati seyo lamar 63rd
Nden kadima O tefri ardiibe hebbitina alkawalji mabbe di be hoosi nden be wadana ummaatoore Lesdi Naajeeriya ko haandi.
Hooreejo CAN, Archbishop Daniel Okoh kanyumbo wadani ummaatoore Lesdi Naajeeriya enanta Naajeeriya Do’a jahargal yeeso, joonde jam’ e kawtal koppi ummaatoore Lesdi ndin.
Tawaabe haaton woni kore Ardiido on, Senator Oluremi Tinubu,hooreejo wakiili’en majaliisaaru ndotti’en Godswill Akpabio, hooreejo hiitordu gullitaali,SGF enanta kore maako Senator Regina Akume ministaajo FCT enanta luttube.
SADIQ ALFA
