Ardiido Lesdi Naajeeriya, Bola Tinubu wadi giidal bee rufayonta’en mallabo luumoobe Lesdi India musamman ngam luumooku haa Lesdi Naajeeriya.
Ardiido tabitini dow laabka wanngan haa yaaki maako New Delhi Lesdi India do bawti O yiidi bee hooreejo be moobgal kampaniiji CEO Hinduja Group of Companies, Mr. Prakash Hinduja.
Bola Tinubu tabitini be Hinduja dow wala ko faddata jahargal yeeso hakkunde mabbe ko laarani luumooku mabbe haa Lesdi Naajeeriya ngambe be heba riba ‘e feesinki golle.
Nder doftiibe Ardiido on woni Ministaajo mo shaanu Ceede bee mo Luumooku ‘e rufayonta hawtaade bee mo shaanu yaasi Lesdiiku.
Ardiido on wii be yihiton ngam kuude jahargal yeeso Lesdi Naajeeriya on O hokki minista’en maako umrooje be hoosa jabrude kanndude bee jawdum dow haalakan.
Hooreejo Hinduja Group wii nani beldum giidal bee Ardiido Lesdi Naajeeriya nden wi wadan fodde bawde ngam yiiki haaje huubi nder wakkati hakkunde mabbe enanta Lesdi Naajeeriya.
SADIQ ALFA
