Kawte Lesde Africa Cakaaje ECCAS anndini darni mu’aamalaaji bee Lesdi Gabon.
Haalakan wurtion bawti General Brice Oligui Nguema meeti hoore muudum nyennde Altine dow kanko on ardiido Lesdi Ndin.
General Nguema anndinay ndeye on O hokkititta laamu dimocradiyya haa giifakan.
Wakkati giidal ngal wade ardiibe be bakkeejeden moobi ko nden on Teodoro Obiang Nguema Mbasogo, ardiido Lesdi Equatorial Guinea Ardani joonde nden be meti duudka ko laarani Shaanu rento ‘e joonde jam haa bakkeeje den.
Ardiido Obiang Nguema Mbasogo do mari Duubi 81, O do laamani Equatorial Guinea iga 1979
Bananta no Lenyol Ali Bongo ‘en laami haa Lesdi Gabon, Lenyol Obiang Nguema yiidino ‘e gannudi bee tuumayeeje masin dowko laarani mbononnda majjiru jawle ummaatoore haa giifakan.
Darnuki Lesdi Gabon haa kawtal ngal ECCAS dum hunnde on jee jahargal yeeso sanne haa bakkeeje den nden yawnan hurguki gannudi di be wonntiri nder Lesde Africa Cakaari.
SADIQ ALFA
