Ngomnati moobgal Lesdi Naajeeriya enanta kawte bana NLC bee TUC narri dow hurgan gannudi goddi nder gidaadi mabbe ko waddanta ummaatoore koydum yanngada be wontiri.
Ministaajo mo hakkilanta shaanu golle’e golloobe nder Lesdi Naajeerya, Solomon Lalong, kanyum on suuditika bawti giidal maako bee Ardiibe kawteden.
Giidal ngal wadaama on ngam hewtanki yidannde kawte den ko wallata ummaatoore.
Nder jawaabu ministaajo on Lalong wii do nder taskaramji anniya mabbe haa Asaweeje 2 do woodi ko laarani besdari njobdi Ceede golloobe ngomnati kawtal Lesdi, ittanki wobbe ceede jomorgol hawtaade bee joodiibe joonde ko’e mabbe.
Kadima nder Asaweeje den 2 woodi haala hokkuki Ceede mballa anndira Palliative.
Ministaajo sappi ‘e wiiki bawti Asaweeje 2 kadima be wadn giidal ngam wolduki fahin amma wala tikkere golle jee wakkatiire nde ko heta seeto hewti laabka wanngay.
Ardiibe kawte den yerdi see baawo Asaweeje 2 be fuddita joonde nden be hedita laabka haalakan.
SADIQ ALFA
