Hooreejo shaanu faddo mo Sooja’en boymaajo, General Lucky Irabor (retired), hokkiti daddaare laamu wurti bawti duubi ko hewta 37 ko O gollani Lesdi Naajeeriya.
Haa Daldal pijirle Sooja’en nde Mogadishu Cantonment haa Abuja, General Irabor wi tiidal sooja’en ben enanta hukuumaaji rento goddi hawtaade bee Ardiibe waddi jahargal yeeso sanne ko laarani shaanu rento nder Lesdi Naajeeriya.
Nder jawaabu maako O sappi’e wiiki y odo dala korowal ngal nden O dali gollirde sooja’en ben bee sembe mabbe be waawan waduki koodume bananta no diidaadi sappi.
O mani tiinaaje sooja’en ben sanne ndenma O wi ngomnati enanta mooble joodiide ko’e muudum hokki baawal baawo sanne hedi shaanu rento ngamrentuki ummaatoore enanta jawle mabbe.
CDS daliido golle tefri sooja’en besda tiinaare faaki kuude mabbe ko hurgata gannudi kuude saata gidkuuku nder Lesdi Naajeeriya.
Non Kadima CDS keso on, General Christopher Musa kanyumma wi O tokkan kosde daliido on boddi ngam wadduki joonde jam nder Lesdi Naajeeriya.
SADIQ ALFA
