Ummaatoore Lesdi Naajeeriya tammi nanki beldum yeeso bawti be monyi bone nder ardungal amin ko taskani sembidinki kilantaaji riskuuji.
Haalakn wurti haa hunnduko Ardiido Lesdi Naajeeriya Bola Tinubu mo suuditika haa Gasol Lagos nyennde Salaasa.
O wi beldum tammi yottaaki haa nder Jihaaji enanta Galluuje nder Lesdi Naajeeriya fu to jam.
Kadima O besdika bee wiiki ardungal maako wadan fodde bawde mabbe haro yiiki be weltini ngurndam ummaatoore Lesdi Naajeeriya.
Bola Ahmed Tinubu holli seyo muudun bee ngomna’en enanta wakiili’en majaliisaabe yaalirbe haa nokkuure waliima man hawtaade bee hokkuki mo baawal Baawo.
Tinubu wi O accata Lesdi bana Lesdi Naajeeriya marndi duudal ummaatoore nder yanngadaaji kanko ma O nanata beldun.
Ngomnaajo Jihawol Lagos Babajide Sanwo-Olu, usi yetti yahii musamma ngillakan enanta wonbe haaton.
O tefri ngomna’en bandiraabe maako kawtal koppi ngam hebbitinki yidannde Ardiido Lesdi Naajeeriya.
SADIQ ALFA
