Ballo ardiido Lesdi Naajeeriya, Kashim Shettima yaarani hooreejo julbe Sultan mo Sokoto, Sa’ad Abubakar, ngilla ka teddinki haa Baade maako musamman ngam joonde jam ‘e jahargal yeeso Lesdi Naajeeriya.
Shettima wi yaaki maako haa Sultan do O tokki umroore Ardiido Lesdi Naajeeriya Bola Ahmed Tinubu ngam yaaki musamman jee kofli julde ha maako bee be majaliisa maako.
Nden O win der ardungal mabbe be taskani hawtuki koppi bee lamlambe ngam wadduki joonde jam haa Lesdi Naajeeriya.
Nder jawaabu Sultan bo sappi ‘e manoore ballo ardiidoon ‘e ardiido Lesdi Naajeeriya bee warki ‘e wiiki hakkunde ngomnati bee ardiibe laamu ndonndonu hawtaade bee ardule godde fu habdan wadda joonde jam nder Lesdi Naajeeriya doo dum hunde on boddum sanne nden waddan jahargal yeeso Lesdi.
Kadima Sultan wi dabareeji’e taskaramji ngomnati kesum do waddanan ummaatoore sadirmaaji sedde amma be wada munyal be tammi nanuki beldum ha yeeso.
O wi“haa ragare ummatoore wi’an Alhamdullilahi, min yari bone no amma Sali min yetti ALLAH.”
Ballo ardiido on tefri ngomnaajo Jihakan, Ahmad Aliyu, to yerda gannudi goddi nasta hakkunde maako bee nannta Sultan haa Jihakan.
Fahin O tefri ardiibe waylaari Lesdi Naajeeriya Besda hawtuki ko’e ngam no be hurgira gannudi Bakkeeje den.
Ballo Ardiido on yaadi bee ngomnaajo Jihakan Ahmed Aliyu Sokoto; bee ngomnaajo Jihawol Borno, Babagana Zullum; bee wakiiliijo majaliisaaru ndotti’en mo luutanta waylaari Sokoto Aliyu Wammako enanta luttube.
SADIQ ALFA
