Tinubu,Okowa,Seyi makinde tefri Naajeeriyaabe munyal bee ko Lesdi ndin wontiri.
Dariido tefre cubi Ardungal Lesdi Naajeeriya Les Ililal jam’iyawa APC, Mr Bola Tinubu, bee ngomnaajo Jihawol Oyo, Seyi Makinde enanta ngomnaajo Jihawol Delta, Ifeanyi Okowa tefri ummaatoore Lesdi Naajeeriya munyal bee ko Lesdi ndin wontiri.
Be suuditi haalan wakkati be hirdano bee kubaru’en.
Mr Tinubu wi nanay beldum kubaruuji di O nani dowko laarani fitnaaji wadete nder Lesdi Naajeeriya musamman haa Jihaaji bana Delta, Oyo, Kwara enanta Edo.
“mi yurmini Naajeeriya bee ko Lesdi Naajeeriya wonntiri dow ko laarani waylitol Ceede.,“ Tinubu wi.
Non Kadima ngomnaajo Jihawol Oyo Seyi Makinde wi wakkati O wadananno be Jihakan jawaabu haa galluure Igbojaye, Itesiwaju nokkuure nde be wadino wankoore dow useni be wada munyal ka fuumaaka ka tammi saluki be hakkilana ko’e mabbe be tokka ko diidaadi sappi.
Kadima non ngomnaajo Jihawol Delta nden ballo dariido tefre cubi Ardungal Lesdi Naajeeriya les Ililal Jam’iyawa (PDP), Ifeanyi Okowa kanyumma tefri ummaatoore munyita wada ko haandi acca fitnaaji wankooje ngam gannudi ko Lesdi Naajeeriya wontiri.
O suuditi haalakan wakkati O yaano galluure Udu nokkuure nde be yummini fitnaaji ngulinguli haa Asuusu Bankiiru anndira ATM.
SADIQ ALFA
