Ardiido Lesdi Naajeeriya Muhammadu Buhari yerdi besdi nyalde ko majjinte ceede kidde bana teemarre Didi N200 Nairaaje iga jotta yaaki 10 Lewru April, 2023.
Ardiido Buhaari wi “ko wadi O besdi nyalde den didabre ngam O hediti ummaatoore ko wontiri nden O jabi sawriinde Ardiibe nder Lesdi Naajeeriya
“Kadima mi tokki ardiibe jihaaji fu enanta ardiibe laamu ndonndonu bee tokkol ko diidaadi sappi ngam yiiki ko haandi huuwaama.
“ngam mi hoytina yummaatoore yannga daaji mi hokki Bankiiru mawndu ndu CBN umroore wartira Ceede kidngol bana N200 tan hawta huuda bee kese beenanta N200, N500 enanta N1000 jee nyalde cappan’e jeeweego’o 60 iga February 10, 2023 yaaki April 10 2023 dooko ceede den buuta haa juude ummaatoore.”
Non O wi Ceede kidde bana N500 enanta N1000 hooran haa CBN enanta nokkuuje de haandi hoore nder nyalde 60.
“bee ko diidaangol Section 20(3) jee CBN Act 2007, wi Ceede den N1000 bee N500 fu hoore CBN enanta ha haandi.
“ngam yiiki no Lesdi ndin tampiri bee yanayuujiko ummaatoore yiidata ngam non mi tefri moyefu naftora bosesel wakkatiire nden hoora Ceede kidde ngam sigeeki .,” O wi
Haa ragare O tabitini Naajeeriyaabe be waddi ragare yanngadaaji Ceede kese hakkunde mabbe.
SADIQ ALFA
