minista’en yerdi bee naftirki ko hoytinta jahaale be Are kuutirteedum nder Naajeeriya

Faada laamu ardungal Lesdi Naajeeriya yerdi bee taskaraji di hoytinta jahaale Are kuutinirteedum ngomnati nder Lesdi Naajeeriya no Foti.

Ministaajo mo hakkilanta shaanu jahaale, Mu’azu Sambo kanyum on suuditi banaka’a bawti giidal mabbe bee Ardiido Buhari.

O wi “be faada laamu  larti ko min wadi no haandi nden yerdi bee maaka ngam yaada bee no luttude Lesde Africa 26  wadata haro sendiigu ko nastata bee ko wurtata nder Lesde mabbe bee koydum.”

Sambo besdika bee wiiki toni haa taskaramka fuddi huuweeki no haandi besdan Ceede nastooje nder Lesdi Naajeeriya be ko watta $ 90-235 millionji Dalaaje nder Hitaande fu.

Ministaajo lamsika bee wiiki yo campaniiji ko hewtani 9 on hakkilanta taskaramka nder maaji woodi 5 dum be kawte Lesde yaasi nden 4 bo dum men haado jee ngomnati Lesdi Naajeeriya.

SADIQ ALFA