Ardiido Lesdi Naajeeriya Muhammadu Buhari wi taskani werde giidal yanayuuji sella
Ardiido Lesdi Naajeeriya Muhammadu Buhari wi O taskani waduku giidal ko laarani yanayuuji sella ko hawti bee are kuutinirteedu enanta wurtinki Ceede ngam doggina giidal ngal.
“Sahel Climate Fund” do nufe jaaburu mall abo hukuuma hakkilanta Ceede yanayuuji sella haa bakkeeje mbulmbuldi sahaara (SRCC).
Hukuuma on musamman ko wanngina haa Marrakech, Morocco nder hitaande 2016 wakkati giidal ardiibe Lesde Africa enanta ngomnati Lesdi Morocco.
Haalakan wurti on haa giidal mabbe SRCC nde 36th AU Summit ko wada haa Addis Ababa, laamorde Lesdi habasha musamman ngam taskaramji ko laarani yanayuuji sella haa bakkeeje Africa.
Buhari holli bee wiiki soynde hokkuki Ceede nusamman ngam dogginki kuude yanayuuji sella dum hunnde on ko waddata gannudi sanne haa taskaramka nder bakkeeje den.
Haafahin O wi Ceede den nafan hedi laabi kanndudi ko waddata kuude jahargal yeeso haa Bakkeeje den.
Nder bindaadum ardiido, King Mohammed VI mo Lesdi Morocco ko barri dow dooko hitaande 2030 himbe ko hewtamta 118 millionji haa Lesde Africa yiidan ‘e yanngadaaji yanayuuji sella.
O tefri Ardiibe ben hokka hukuumawa ngan baawal baawo sanne nden Lesdi maako daran darned sottoowo ngam walla hukuumawa ngan bee Ceede enanta ko nga dabbiti fun gam jahargal yeeso hebe.
Lesde haa mbulmbulde Sahel gonndu de ‘e masalaaji din hewti Lesde 17, bana Lesdi Nigeria, Benin, Burkina Faso, Cameroon, Cape Verde, Côte d’Ivoire, The Gambia, Guinea Conakry, Djibouti, Ethiopia, Eritrea, Mali, Mauritania, Niger, Senegal, Sudan enanta Chad.
SADIQ ALFA
