Hukuuma hakkilanta shaanu Cubi nga (INEC), taskani Ceede ko hewtani 808, 895, 545 millionji Dalaaji ko fotata bee 355 billion nayraaje Ceede Lesdi Naajeeriya musamman ngam huuwuki kuugal cubi 2023 garooji.
Hooreejo hukuuma cubi INEC, Mahmood Yakubu, on wanngini ka haa yeeso commitiwa majaliisaabe nga hakkilanta shaanu Ceede Hiiso ngam be nastina haa hiiso 2022.
Ndenno ma be yerdino majaliisaabe wadi juude yerdi bee hokkuki Ceede ko hewtani, 305 billionji nairaaje ngam kuude cubi 2023.
Nder cede hiiso ngon woodi cede ko hewtani, 2.6 billionji nairaaje wurtinaama ngam cubi haa Jihaaji bana Kogi, Imo, enanta Bayelsa. Cubidin tammi wadeeki November 11, 2023.
INEC wi 2.6 billionji din majjinaama hedi laabi huuwuki kuude den bana tapputuki Dereeji cubi enanta ko nanndi luttudum are kuude maabe bee sembidinki joke huuwoobe.
Nder hiiso hitaande 2023, min majjininan hukuumaaji millionji 50 dow ko laarani kuude mabbe ko nanndi mba’ante 150 bee 250 millionji bo naftorte haro wo’itinki gollirde mabbe.
SADIQ ALFA
