Hooreejo golloobe Ardiido Lesdi Naajeeriya, Professor Ibrahim Gambari, wi tunnda do tuume nder hitaande 2050 Lesdi Naajeeriya taammi laatuki 3 nder Lesde burdude duudal Himbe Bawti Lesdi India bee China haandi Naajeeriya mara korowal haa moobgal hakkilanta shaanu rento ka UN.
Gambari suuditi banaka’a wakkati majaliisaabe yaarino ngilla haa hodorde ngomnati (LMI) nde be yaano musamman ngam besduki anndal.
Ibrahim Gambari wi Ardiido Buhari Dalan taariha nbodka dowko laarani waduki cubi laabdi goongaraaji bee ko laarani shaanu rufayonta hawtaade bee nyibaali nder Lesdi Naajeeriya.
Nden O wi ardiido on wadi ko wallata sukaabe Naajeeriya.
Gambari wi ko wadi O wadii haala korowal haa UN ngam O gollidi bee mabbe O anndi kobe wontiri sanne nden O laatino ministaajo shaanu yaasi Lesdiiku nder hitaande (1999-2005).
Gambari wi Buhari taskani sukaabe masin ngam nder diidaadi Act 2022 sappi dow sukaabe tammi botirki bee maaka sanne ngam meti dow ko laarani kuude sanaa’aaji ‘e Luumooku sukaabe.
O wii bee diidaadi ko nanndi bana ni’I on Lesdi Morocco,Tunisia, India hebiri nasaraaki ngam non Naajeeriya ma heban nasaraa.
Gambari mani tiinaaje tumbaljo wakiili’en ben omtudo LMI, Femi Gbajabiamilla, bee wannginki taskaraji ko wallata sukaabe nde Lesdi Naajeeriya.
SADIQ ALFA
