Ballo ardiido Lesdi Naajeeriya, Professor Yemi Osinbajo tefri kawtal koppi bee Lesde jahiide Yeeso ngam walla ummaatoore heba bote taskaramji kuude jahargal yeeso musamman jotta nde Lesde fu do yiida ‘ e yanngadaaji di masiibo habre Ukrain enanta yanayuuji sella waddi nder Duuniyaaru.
Prof. Osinbajo suuditi haalakan wakkati seketeriijo mawdoojo kawtal Nigerian-born mo D-8 Organization, Ambassador Isiaka A.Imam yaaraniido mo ngilla haa hodorde ngomnati nde Abuja
Lesdi Naajeeriya do nder kawte Lesde D-8 ko taskani kuude jahargal yeeso nder Lesde ko hewtani 8
Ko hawti bee Bangladesh, Egypt, Indonesia, Iran, Malaysia, Pakistan enanta Turkey.
Osimbajo wi“do wakkati on dum mari bote Lesde den hawta koppi hoora hakkiilo dow gannudi ko Lesde den wontiri musamman haala kubbirle yiite lamtarkiye enanta shaanu Luumooku.”
Prof. Osinbajo wi faami naajeeriya hokkaama bosesel waduki luumooku bee wakiili’en D-8 hawtaade bee manoore arddibe wakiili’en be D8 bee hesditinki kuude mallabo askaramji gollirde nden no waddanta Lesde den jahargal yeeso.
Nder jawaabu hooreejo on, Amb. Imam wiido woodi taskaramji musamman ngam sembidinki shaanu Luumooku hakkunde Lesde den dum wada haa firlitaaki D8 kesum ko burata anniyaaji mabbe no ko buray $121 billionji amma jotta bedo tuuma hewtan $500 billionji dalaaje Ceede Lesdi America dooko hitaande 2030.
Kadima taskaramji amin do dow laawol omtuki D-8 MSME nokkuure haa Abuja Laamorde Lesdi Naajeeriya ngam sembidina shaanu Luumooku hakkunde wakiili’en ben MSME.
Directaajo mo hakkilanta shaanu yaasiiku, Mr Punjul Nugraha kanyum on dofti seketeriijo on haa ballo Ardiido Lesdi Naajeeriya.
SADIQ ALFA
