Wadoobe wankoore ukki yiite dow mba’ante UN haa Galluure Goma nder Lesdi Congo dow ko laarani Anniyaaji mabbe haa Lesdi ndin (MONUSCO).
Niiman wadaama on bawti tuumayeeje be Lesdi ndin tuumi dow UN do wadda turtube sankita haa Lesdi ndin.
Binbiire fajiri Salaasa on, MONUSCO anndini “dabareeji ittuki juude mabbe” haa galluure Rumangabo, nokkuure nde turtube M23 do habda yaaruki kippe.
Fitnaaji din saati sanne haa bakkeeje Lesdi ndin nder Lebbi gaa’en ji di, Kadima nyennde Asawe do on turtube jabti galluuje 2 bawti kabe bee Soojae en haa giifakan.
Ndenno turtube M23 meedino jabtuki nokkuure Goma nokkuure burdi daraja haa Lesdi DRC nokkuure nde mari keeri bee Lesdi Ruwanda.
Bawti narral ko laarani tefre joonde jam dudbe nder turtube M23′ haboobe nastindri bee kuude Sooja’ en Lesdi ndin.
Turtube ben M23 lorti hawti koppi mabbe bee wiiki ngomnati Sali hewtinki alkawalji mabbe dibe hoosi ko saali.
Nder Lewru June yawtunde be jabtino galluure Bunagana keddiraandi Lesdi Uganda.
Himbe ko hewtanta 200,000 relli nokkuuje mabbe nder nduubu yawtunde dooko fitnaaji din saata bana jojja.
SADIQ ALFA
