Wakiili’en majaliisaabe yeccaama dow campaniwa kubbirle yiite lamtarkiye nga TCN sorraaka bana Cuudi saakol kubaruuji goddi saakoyta.
Ministaajo mo hakkilanta shaanu kubbirle ngen, Abubakar Aliyu kanyum on suuditani ka commitiwa majaliisaabe be hakkilanta shaanu kubbirle yiite lamtarkiye nde be yewtanno kolaarani haala Ceede hiiso 2023.
Bawti tabitinki dow TCN sorraaka, Ministaajo on besdika bee wiiki ministaajo on mo hakkilanta shaanu Ceede Zainab Ahmed, anndini kuude yiite kidded ow kese haa hiiso mawri 2023.
Wakiiliijo majaliisaaru ndotti’en Senator Gabriel Suswan laatiido hooreejo commitiwa ngan tefri ministaajo mo hakkilanta shaanu Ceede wanngina laabka dowko laarani shaanu kuude kubbirle yiite lamtarkiye ko lorti wurti haa Ceede Hiiso 2023 kadima.
Senator Suswan besdika bee wiiki wakiili’en ben do mettini dow jamde kubbirle yiite bana transformers ko tigga nder Labbaaje fudday huuweeki haa jotta.
Kadima O tefri hakkilinoobe yiite ngen hurga gannudi din koyaawi nden wadda ragare man bee jawdum.
Haaraga Suswan lamsi haalakan bee hokkuki misaalu ko laarani kuude kubbirle Yiite Lamtarkiye anndira Mambilla electricity power project, ko woni haa Jihawol Taraba Wayla walaadu Fuuna Lesdi Naajeeriya.
SADIQ ALFA
