Kawte Lesde Africa hawti koppi haro yiiki jam hebaama haa bakkeeje den.
wakiili’en bana be hukuuma kawte Africa konanndi be tefre joonde jam bee be kilantaaji riskuuji bee kastaabe fuu moobi haa Abuja laamorde Lesdi Naajeeriya ngam hebbitinki yidannde AU dowko laarani joonde Jam, (PSO).
Giidal ngal foddaama be jannde nde hoori hakkiilo e daba reeji no sembidinirta shaanu ronto e rentoobe (AFS), ko yaadata bee yidannde kawte AU.
Hooreejo mo hakkilanta shaanu siyaasaaku enanta joonde jam bee rento AU, Ambassador Bankole Adeoye, ardiibe kawte Lesde Africa do wada fodde bawde mabbe ngam waddana bakkeeje den ko haandi.
O wi “Duubi 20 jawtudi ko min tiggi hukuumaaji feere feere kolaarani shaanu rento,kilantaaji riskuuji e ko nanndi e non min do wada fodde bawde amin ngam weltinki ngurndam ummaatoore Lesde Africa.,”
Kadima Ciimaajo nden laatiido mo hakkilanta shaanu kawtete tefoobe joonde jam AU (PSC) jee lewru ndun, Amb. Emilia Mkusa kanyumma wii be taskani firlitol gawargal mabbe be dara darned sottoowo be huuwa kuude jahargal yeeso ko buri naane.
Non Ministaajo mo hakkilanta shaanu yaasiiku Lesdi Naajeeriya, Mr. Geoffrey Onyeama, tefri moobgal ngal besda tiinaare dabbital Laabi burdidi Kadima ngam wadduki joonde jam haa bakkeeje Lesde Africa.
Mr. Onyeama besdika bee wiiki laawol gootol tan he ay haandi wanngina laabi kewdi ka waddata ragare saatagidku en e kuude saata gidkuuku nder Lesde Africa.
Haaragare hooreejo mo hakkilanta joonde jam e siyaasaaku haa hukuumakkilanta kilantaaji Lesde Africa Hirnaangeeje, ECOWAS, Mr. Abdel Mousa wi ECOWAS do hawti koi bee kawte godde enanta AU do tokka Laabi di ECOWAS yidi ngam joonde jam hebi haa bakkeeje Lesde Affrica.
SADIQ ALFA
