Ballo Ardiido Lesdi Naajeeriya, Professor Yemi Osinbajo kanyum on ardi haa joonde minista’ en hannde ko fuddaama njamndi 10.00am haa Abuja laamorde Lesdi Naajeeriya.
Prof. Osinbajo ardi haa joonde nden ngam ardiido Lesdi Naajeeriya Muhammadu Buhari walaadon yehiido Lesdi Ingila ngam lartuki njamu maako.
Seketeriijo ngomnati, Boss Mustapha; enanta hooreejo golle ardiido Buhari, Prof. Ibrahim Gambari tawama haa giidal ngal.
Nder Minista’en tawaabe haa ton woni, Niyi Adebayo mo shaanu Luumooku; Rauf Aregbesola mo shaanu nder Lesdiiku; Sunday Dare mo shaanu pijirle; Adeleke Mamora mo shaanu annde kiimi yaaku; Babatunde Fashola mo shaanu golle; Mahmood Abubakar mo shaanu ndemri ‘e jahargal yeeso hawtaade bee, Mariam Katagum; bee mo shaanu njamu Ekumankama Joseph Nkama fu tawaama haa giidal ngal.
Doo ko giidal ngal fudde Boss Mustapha wadi be jeedi mallabo be dungi ngam numtuki wade ministaajo shaanu piirooje boymaajo Chief Mbazulike Amaechi maydo Salaasa, November 1, 2022, mardo Duubi 92.
SADIQ ALFA
