Hukuuma hakkilanta shaanu keeri Lesdi Naajeeriya, NBC, wi holtoray bee tuumaaje mosle nde ni fu bedo suklani golle mabbe tan.
Ka wolwaama on bawti ngomnaajo Jihawol Rivers, Mr. Nyesom Wike, hebi luural bee mabbe dowko laarani keeri hakkunde jihawol Rivers enanta Jihawol Imo haa Fombinaar enanta fanbina walaadu Fuuna bakkeejeden.
Hooreejo hukuumawa ngan NBC, Adamu Adaji kanyum on suuditani kubaruujo haa Abuja Laamorde Lesdi Naajeeriya.
Mr. Adaji wi fakat ngamnati Jihawol Rivers on luttiri hakke nyibuki keeri hakkunde mabbe bananta no NBC sappi.
“nder Lewru January 2003, min wadino giidal ko laarani sendiigu keeri hakkunde Jihawol Rivers enanta Imo haa Galluure Owerri, min meti dudka dow ko laarani sendiigu ngum amma konden hakkunde mabbe wala mo huuwi kuude den, nasaraaku ko min hebi konden ni miwurtini be ko haandi wurtine fuu ngam hisnabe kabe bee naftirki ko Diidaadi Lesdi Naajeeriya sappi.
Bawti non fuu “NBC lorti wadi giidal nder Lewru October 2011 haa Gallure Port Harcourt,nder Jihawol Rivers nga lartuki haalakan timminaama nohaandi.
SADIQ ALFA
