Ngomnati kawtal Lesdi Naajeeriya wi taskani omtuki nyawndorde sembiddum nga be Lesde Yaasi fu warata ngam nyawndiigu.
Ministaajo mo hakkilanta shaanu maatootiral ‘e fam fam tirki, Alhaji Lai Mohammed on suuditika ndE’ O yaarano ngilla haa nyawndorde nde Duchess International Hospital facility wonnde haa fattude Ikeja, nder Jihawol Lagos, Fombina walaadu hirna Lesdi Naajeeriya.
Ministaajo on wi omtuki nyawndorde Bana niido hoytinan Naajeeriyaabe majjinki cede ko hewtanta Bilioji nairaaje Ceede Lesdi Naajeeriya haa yaasi ngam nyawndiigu.
Anniyaaji ‘e gidaadi nyawndorde ndenni latta arannde burdunga nder nyawndorde fuu ko yaadata jahargal nyawndorde de Lesde yaasi.
Ministaajo on wi bee kawtal koppi mallo do walliinde ngomnati kawtal Lesdi Naajeeriya, Bankiiru campaniiji,enanta CBN on hawti nyibuki nyawndorde den.
Iga wannguki nyaw Covid-19, CBN majjini Ceede ko hewtanta bilionji N100 yaaki nyawndorde ngamwallabe nden jottabo besdi wartiri bilionji 200.
Kadima woodi gebe godde fu walli haro yiiki nyawndorde hebi lekki nden latti sembidinaama nder Lesdi Naajeeriya.
Hooreejo nyawdorde nden CEO, Dr. Tokunbo Shita Bay wi anniya mabbe ne be hoytina Bibbe Lesdi Naajeeriya yaaki Lesde Yaasi ngam nyawndiigu nden bo lattina nyawndorde nden gootel nga sollaare hawtaade bee yiiki mardo ‘e talaka fuu haaje muudum huubi ngam feesuki Lekki.
Hooreejo on wi min do nyawnda hedi fannuuji bana nyaw diigu Rewbe fuu, Gewe,Gite, noppi,nyaw boo’ye,nyi’e,’e luttudum.
SADIQ ALFA.
