Horeejo jamdiyya APC mo leddi , Abdullahi Ganduje wii sekko woola jamdiyya ka o ardinta jamdiyya APC tammi nyamugo chuubi ngomnaaku jiha Edo je tammate doggineego nyande 21 leuru September hikka do larugo belal bandu duum, Monday Okpebholo marri ha gite ummatore jihakan.
Ganduje wii bannin mai on nyande asawe do ha Abuja ha wakkati nde o hokkanno hebido nasaraaku chuubi arandeeji ha jamdiyya kan Okpebholo, duum jamdiyya kan doggini nder asawere salunde, o tabitini wakili’en jamdiyya APC be mo jamdiyyakan darni fu duuw korowal ngal je mabbe on to Allah munyi.
O wii chuubi safuuji je doggina ha pattule 192 nder jihakan do do holla alama duuw Okpebholo tammi nyamugo chuubi waratado be koiduum ngam larugo no ummatore jihakan wurtiri suptimo ha chuubi arandeeji din.
Ganduje fodi hakkilo wakili’en jamdiyya kan duuw be haura hore be huwida nden be4 heba narral boshungal hakkunde mabbe kanju on tan hokkatabe nasaraaku ha chuubi din.
A BELLO
