Goto nder jogiibe mukaamu Professooku ha leddi Najeeriya hedi fannure matotiral, Professor Bolanle Akeredolu-Ale, lamminaama horeejo jangirde jami’are Pan African University, maral hukuuma hakkilinowa kautal lesde Africa ngal African Union Commission marduum fada lamorde ha Yaounde, leddi Cameroon.
Professor Akeredolu-Ale andiraama be maskaare ha duuw andal matotiral demde ha jami’are fiiji demeterle maral ngomnati mobgal leddi wonde Abeokuta fada lamorde jiha Ogun nder gifa fombina woladu hirna leddindi.
Lamminado on nebi odo habda be kude jangungo fukaraabe ha jami’aaji duddi nder leddindi, nden o walliti masin ha famtingo fukaraabe hedi fiiji andal makko ko dillanta dubi 32 odo yesso yesso ha fiiji hokkugo andal jamanu.
Odon der kautal jarida’en ngal duniyaaru, nden fahin o walliti ha kude sembidinki sanaaji jarida ha nder leddindi ema duniyaaru fu no foti.
A BELLO
