Ministaajo mo hakkilanta shaanu maatootiral ‘e waytinki ko’e ummaatoore, Mohammed Idris, wi taskaramji sembidinki kilantaaji riskuuji Lesdi Naajeeriya do heba nasaraaku.
Idris wi ardiido Bola Ahmed Tinubu iga ko’O magga korowal ngal O habdi sane ha sembidinki kilantaaji riskuuji masin.
Ministaajo besdika bee wiki jabrude aranndeere ko hoosa ko laarani ittuki mballa nyebban peeturuljam do naïf ngam cede dude on majjata haa ton ko hadi kuude jahargal yeeso boy nder Lesdi Naajeeriya konanndi bana kuude nyibaali, shaanu njamu,janngirde,rufayontaaku.
Idris wi ittuki mballa ceeden feesini cede masin haa hokki ngomnati jarful huuwuki kuude jahargal yeeso Lesdi Naajeeriya no haandi.
Non kadima O mani tiinaaje bankiiru mawndu ndu CBN bee tiinaare mabbe.
Haaragare O tefri ummaatoore Lesdi Naajeeriya besda munyal wamba baawo ngomnati bee kabdal mabbe ngam hebuki kaydum sadirmaaji nder Lesdi Naajeeriya.
SADIQ ALFA
