Ngomnati Lesdi Naajeeriya yerdi bee hokkuki dungayeere omtaaki janngide mawde de univastiiji 2 ko hewtani duudal janngirde Univastiiji di joodiidum mallabo mardi marbe jarful 149 nder Lesdi Naajeeriya.
Janngirde den ngoni Lighthouse University, Evbuobanosa, Edo State, enanta African School of Economics, gonnga haa FCT, Abuja, nder Laamorde Lesdi Naajeeriya.
To janngirde den hawti dum ngomnati enanta de marbe jarful nder Lesdi Naajeeriya hewtani 274
Ministaajo mo shaanu janngirde, Prof. Tahir Mamman tawaama haa nokkuure nden wiido Ardiido Lesdi Naajeeriya Bola Tinubu on hokki yerduye man iga December 13, 2023, dow be omta di.
Professor Tahir Mamman tefri Ardiibe janngirde den wada fodde bawde mabbe wadda taskaramji boddi ko jannginte nafooji ummaatoore enanta Lesdi Naajeeriya.
O tefri be kadima be tabitina be hoosi fukaraabe bee yerduye hukuumawa (JAMB).
Non seketeriijo NUC jogiido hiddeekoojo, Chris Maiyaki, wi janngirde marbe jarful do walla sane nder Lesde duuniyaaru fu.
SADIQ ALFA
