Hukuuma welninowa hijjobe kude hijju ha jiha Niger andini cheede kude hijju hikka, ko neddo yobata heba bososel dillugo jippina farilla hijjore mum, cheede den nangi, N4,699,000 for the 2024 nden fahin be beddi wakkati jabugo cheede den yahugo nyande altine 12 leuru Fabruary ndu en woni nder mum do.
Ha habaruuwol ngol seketereejo hukuuma kan, Sheikh Mohammad Awwal Aliyu, wurtini ngol famtini duuw beddugo wakkati jabugo cheede hijjobe mai wari on daga ha hukuuma hakkilinowa kude hijju nga leddi watau (NAHCON).
O beddi wiigo beddugo wakkati mai beddama on ngam hokka marbe anniya dillugo hijju bososel timmitungo cheede ko luttu be yobidai nden fahin ngomnati leddi saudiyya mai ma ustini Najeeriya cheede hijju je be yecchino daga arande.
O yonitiri marbe anniya dillugo jippina farilla mabbe ha leddi shenindi musamman be timminai yobidago cheede mabbe duuw be habda be timmitina bakko nyalande mabbugo yotta.
A BELLO
